Սույն թվականի հոկտեմբերի 24-ին Այրում համայնքում իրականացվեց եղևնիների ծառատունկ համայնքի <<ԿԱԹԻԼ>> նախաձեռնող խմբի կողմից միավորելով համայնքի երիտասարդներին:

Տնկիները ձեռք է բերվել ՄԱԿ Հայկական ասոցիացիայի ֆինանսավորմամբ <<Հզորացնելով երիտասարդների հմտությունները մարդու իրավունքների պաշտպանության և Հայաստանի զարգացման համար>> ծրագրի շրջանակներում:

Շնորհակալություն համայնքի երիտասարդներին և <<ԿԱԹԻԼ>> նախաձեռնող խմբին օգտակար և արդյունավետ գործունեության համար:

Շենացնենք և ծաղկեցնենք մեր համայնքը միասին:

Այրում համայնքի, Այրումի Հ. Մալինյանի անվան միջնակարգ դպրոցի  դասվար Ս.Մակարյանի դիմումի համաձայն համայնքի սոցիալական աշխատող Թագուհի Մաճկալյանի մեծ ջանքերով  ,,Մանկական Զարգացման Հիմնադրամ,,-ի շրջանակներում առաջին դասարանի սաներն այսօր ունեն նոր, հարմարավետ գրատախտակ:

Մեր երախտագիտությունն ենք հայտնում  ՄԶՀ-ի տնօրեն Լուսինե Սիմոնյանին աջակցելու համայնքի սոցիալական աշխատողին, ինչպես նաև  բոլոր այն մարդկանց ովքեր օգնել են գույքի  փոխադրումը կատարելու գործում:

Հաջողույթյուններ, մեծ բարձունքներ մեր մատաղ սերնդին Հայաստանի Հանրապետության ապագայի կերտման  և պահպանման գործում: 

Այրում համայնքի խոշորացման արդյունքում համայնքը դեռևս շարունակում է համալրվել նոր տեխնիկայով, Հայաստանի Տարածքային Զարգացման հիմնադրամի միջոցներով այսօր ստացվեց նոր տեխնիկայի 4-րդ խմբաքանակը՝  ՈՒԱԶ -ՊԱՏՐԻՈՏ մակնիշի ամենագնացով, եռակցման սարքավորումով և օդամղիչ մուրճով, որոնք զարկ կտան և կնպաստեն Այրում համայնքի 8 բնակավայրերի զարգացմանը:

Հոկտեմբերի 9_ին Այրում համայնքի երաժշտական դպրոցի 7 սաներ "We Are One/Միասին"երգչախմբի համերգային ծրագրում  իրենց հիանալի  կատարումները ներկայացրեցին Վրաստանի Ռուսթավի քաղաքում՝ առաջին երաժշտական դպրոցի դահլիճում։
Համերգին իր ելույթով միացավ նաև Ռուսթավի քաղաքի "Տուտարչելա" երգչախումբը, խմբավար՝ Թամարա Բուաձե։